Сенат маъқуллаган қонунга кўра, Болалар омбудсманига раҳбарлар ва бошқа мансабдор шахслар томонидан дарҳол қабул қилиниш ҳуқуқи берилмоқда. Шунингдек, болаларга тааллуқли масалаларга доир қонунчилик ҳужжатлари лойиҳалари Бола ҳуқуқлари бўйича вакил билан келишилиши мажбурий бўлади.
Болалар омбудсмани Сурайё Раҳмонова «Док-1 Макс» сиропи ишида ота-оналар билан ҳамкорлик қилишга тайёрлигини билдирди. Ундан фойдаланиш оқибатида Ўзбекистонда камида 69 бола ҳалок бўлганди.
Ўзбекистонда жинсий тарбия «боланинг тарбияси ва ахлоқий фазилатларига қандайдир тарзда таҳдид солади», деган фикр кенг тарқалган, деди болалар омбудсмани Сурайё Раҳмонова Alter Ego лойиҳасига берган интервьюсида. «Ундан олабўжи ясамаслик керак. Маърифат таҳдид солиши мумкин эмас», — деди у.
Чилонзор туманида 13 ёшли боланинг ёнидан пиротехника воситаси чиққач, ППХ ходимлари уни машинага мажбурлаб ўтирғизди. Бола бошидан лат еган ва қаттиқ қўрққан. Икки ходимга ҳайфсан берилди. Болалар омбудсмани сўровига кўра ҳолатни прокуратура ўрганмоқда.
Шаҳрисабз шаҳрида 17 ёшли қизни турмуш қуришга ундаб, тазйиқ ва руҳий босим ўтказган йигит 10 суткага қамалди. Аввалроқ қизга ҳимоя ордери берилганди.
Болалар омбудсмани Сурайё Раҳмонованинг айтишича, болаларга нисбатан зўравонлик, номуносиб муомалага йўл қўяётган тарбиячи ва педагоглар ота-оналар норозилигини билдириш ё билдирмаслигидан қатъи назар, ҳар қандай вазиятда жавобгарликка тортилиши керак.
Шаҳрисабзда 17 ёшли қиз турмушга чиқишга мажбурлангач, болалар омбудсманига мурожаат қилди. У омбудсмандан аввал ўқишини тугатмоқчи эканини айтиб, ёрдам сўради. Қизга ҳимоя ордери берилди, ота-онаси эса мажбурий никоҳ учун жавобгарлик борлигидан огоҳлантирилди.
Шофиркон туманида аёл 5 ёшли боласини 1,5 йилдан ортиқ вақт давомида бешикка боғлаган ҳолда калтаклаб, қийнаб келгани аниқланди. Ҳолат болалар омбудсмани назоратига олиниб, жиноят иши қўзғатилди.
Яккасарой туманидаги хусусий мактабгача таълим муассасасида энага ёрдамчиси тарбияланувчига нисбатан қўпол ҳаракат қилиб, унга шикаст етказгани аниқланди. Ҳолат юзасидан жиноий иш қўзғатилиб, энага ёрдамчиси айбланувчи тариқасида жалб қилинди.
Болалар омбудсмани Сурайё Раҳмонова Кўкдала, Касби ва Косон туманларида эрта никоҳ ва ўқувчи қизлар унаштирилаётгани бўйича ўрганишлар ўтказди. Косонда 18 ёшга тўлмаган қизнинг тўйи тўхтатилди. Кўкдалада 3 та ҳолатда қизлар ва уларнинг ота-оналари унаштирув ёки тўйга тайёргарлик бўлмаганини айтди.
Келес шаҳридаги хусусий болалар боғчасида 4 ёшли қизга жинсий тегажоғлик қилингани айтилмоқда. Болалар омбудсмани ҳолат назоратга олингани ва жиноят иши қўзғатилганини маълум қилди. «Газета.uz»га маълум бўлишича, мазкур ишда боғча мудирининг 24 ёшли ўғли гумонланмоқда.
Бухородаги хусусий боғча тарбияловчиси 2 ёшли болани ургани акс этган видео тарқалди. Вилоят мактабгача ва мактаб таълими бошқармаси тарбияловчи ишдан олинганини маълум қилди.
Болалар омбудсманига Китоб туманида яшовчи 14 ёшли қиз Шаҳрисабз туманида 7 ой мажбуран сақланиб, турли шахслар билан жинсий алоқа қилишга ёллангани ҳақида мурожаат қилинди. Гумонланувчига нисбатан одам савдоси бўйича жиноят иши қўзғатилди. Тергов ҳаракатлари кетмоқда.
Пойтахтдаги гул дўконларининг бирида 9 ёшда экани айтилаётган қизни маст онаси калтаклади. Ҳолатни болалар омбудсмани ўрганмоқда. «Қизча вояга етмаганларга ижтимоий-ҳуқуқий ҳимоя кўрсатиш марказига жойлаштирилди. Аёлни оналик ҳуқуқидан маҳрум қилиш масаласи кўрилмоқда», дейилади омбудсман хабарида.
Тармоқларда аёл 3 нафар кичик ёшдаги болаларга уларни ва ўзини ёқиб юбориш билан таҳдид қилгани акс этган видео тарқалди. Болалар омбудсмани ҳолат алоҳида назоратига олинганини билдирди.
Сенаторлар Сурайё Раҳмоновани Ўзбекистон болалар омбудсмани лавозимига сайлади. Унинг номзоди президент томонидан кўрсатилган ва Қонунчилик палатаси томонидан тасдиқлаганди.
Зўравон ота-онадан фарзандини олиб қўйиш, болага ҳимоя ордери бериш ва индивидуал ҳимоя режасини ишлаб чиқиш, таълим муассасаларида болалар ўртасида зўрлик қилиш ва камситишга йўл қўймаслик — Ўзбекистонда болаларни зўравонликдан ҳимоялаш учун қандай чоралар кўриш таклиф этиляпти? «Газета.uz» шарҳи.
Қонунчилик палатаси Сурайё Раҳмоновани Олий Мажлиснинг бола ҳуқуқлари бўйича вакили этиб тасдиқлади. У аввал Бош прокуратура, АОКА ва Сенатда ишлаган. Номзод энди Сенат томонидан тасдиқланиши керак.
Тошкент вилоятида 11 ёшли бола онасидан шикоят қилиб Болалар омбудсманига мурожаат қилди. Унинг мактабга бормаслиги, ўқиш-ёзишни билмаслиги маълум бўлди. Ҳозирда аёл алкоголизмдан даволанишга, болалари эса ижтимоий ҳуқуқий ёрдам кўрсатиш марказига жойлаштирилган.
Болалар омбудсмани Урганчдаги оилавий болалар уйи тарбияланувчиларининг зўрланиши билан боғлиқ вазиятни ўрганаётгани маълум қилинди. «Болаларга нисбатан ҳар қандай жинсий жиноятларга оғир жазо қўлланиши керак», — дейилади баёнотда.
Қўшимча имкониятларга эга булиш учун сайтда рўйхатдан ўтинг